Атирауда самбо бўйича Осиё кубоги бошланди

ATYRAÝ. Kazinform – Атирау спорт мажмуасида Қозоғистон Республикасида хизмат кўрсатган мураббий, халқаро тоифадаги ҳакам Қошқарбай Табинбаев хотирасига бағишланган самбо бўйича 2007-2008 йилларда туғилган ўсмирлар ўртасида Осиё кубогининг очилиш маросими бўлиб ўтди, деб хабар беради Kazinform мухбири.

Арманистон, Озарбайжон, Беларусь, Ўзбекистон, Грузия, Тожикистон, Қирғизистон, Россия, Мўғулистон ва Қозоғистондан 150 нафарга яқин спортчи иштирок этаётган бундай кенг кўламли турнир минтақада илк бор ўтказилмоқда.

Турнирнинг очилиш маросимида Атирау вилояти ҳокими ўринбосари Марат Мурзиев иштирок этди.

«Қозоғистон Республикасида хизмат кўрсатган мураббий, халқаро тоифадаги ҳакам Қошқарбай Табинбаев хотирасига бағишланган Осиё кубогининг тантанали очилиш маросими билан табриклаймиз. Мусобақада иштирок этаётган барча спортчиларга ғалаба ва омад тилаймиз!», - деди Марат Мурзиев.

Айни пайтда Атирау вилоятида 1500 дан ортиқ киши самбо билан шуғулланади.

Муаллиф: Виктор Сутягин