Атирау вилоятида 3 минг ўринли стадион очилди

ATYRAÝ. Kazinform – Атирау вилояти Жилиой тумани Қульсари шаҳрида 3 минг ўринга мўлжалланган янги марказий стадион фойдаланишга топширилди, дея хабар беради Kazinform мухбири.

«Барчани янги спорт иншоотининг очилиши билан табриклайман. Шаҳримиз қандай ривожланиб, чирой очиб бораётганига барчамиз гувоҳмиз. Ҳар йили аҳоли илтимосига биноан янги иншоотлар барпо этилмоқда. Улардан бири бугун фойдаланишга топширилган замонавий андозалар асосида жиҳозланган марказий ўйингоҳдир ва аҳоли манфаати учун хизмат қилади», – деди очилиш маросимида туман ҳокими Жумабек Қаражанов.

Стадион қурилиши 2020 йилда бошланган. Бу 4,7 минг квадрат метр майдонга эга спорт мажмуаси. Қиш мавсумида спорт тадбирларини ўтказиш учун мажмуага 3000 кишигача сиғадиган асосий стадиондан ташқари, ёпиқ стадионга эга бино ҳам жойлашган. Ёпиқ бассейн ва спорт заллари мавжуд.

Янги спорт мажмуаси жами 3250 кишини сиғдира олади ва йил давомида бир вақтнинг ўзида бир нечта спорт турлари бўйича машғулотлар ўтказиш имконини беради.

Жилиой туманида бугунги кунда 5 та болалар ва ўсмирлар спорт мактаби ва 1 та филиал фаолият кўрсатиб, уларда жами 2490 нафар ёш спортчилар шуғулланмоқда.

Муаллиф: Жанара Мухамедиярова