Астанада «Наврўз бозори» этно услубдаги маҳсулотлар ярмаркаси бўлиб ўтади

ASTANA. Кazinform – 21—23 март кунлари пойтахтда «Наврўз бозори» шарқона ярмаркаси бўлиб ўтади, дея хабар беради Кazinform Астана ҳокимлигининг расмий сайтига таяниб.

ЭКСПО халқаро кўргазмалар маркази ҳудудида бўлиб ўтадиган ярмаркада этно услубдаги либослар, заргарлик буюмлари, кулолчилик, металл, кигиз ва ипакдан ясалган буюмларнинг янги коллекциялари, эсдалик совғалари кенг танлови таклиф этилади.

Шаҳар аҳолиси учун мамлакатнинг энг яхши фермер хўжаликлари ва ишлаб чиқарувчиларининг янги маҳсулотлари энг арзон нархларда сотилади. Байрам муносабати билан барча товарларга катта чегирмалар режалаштирилган.

Фестивалда шарқона таомларни ёқтирадиганлар иштирок этишлари мумкин.

Ярмарка 21 март куни соат 13:00 дан 18:00 гача, 22 ва 23 март кунлари эса 09:00 дан 18:00 гача ишлайди.

Фото: gov.kz