Астанада бу йил 1 миллион туп дарахт ва бута экилади

ASTANA. Kazinform – Астанада яшил ҳудуд янада кенгаяди. Жорий йилда Астанада бир миллион яшил баргли ниҳоллар экиш режалаштирилган. Улардан 500 мингтаси шаҳарда экилган бўлса, яна шунчаси Астананинг яшил зонасига экилади, дея хабар беради Kazinform пойтахт ҳокимлигининг расмий сайтига таяниб.

Пойтахтни ривожлантириш кенгашида Давлат раҳбари беш йил ичида Астана шаҳрини боғ-шаҳарга айлантириш, кўп йиллик ўсимликлар экиш бўйича топшириқ берган.

Шаҳарда баҳорги дарахт экиш ишлари ва «Жасил Астана» экологик ойлиги бошланди.

Шундай қилиб, Абилайхан проспекти, Қазжимуқан, Петров, Болекпаев, А-105, Балтали, Алаш шоссеси ва бошқа кўчаларга дарахтлар экилди.

Шаҳарни оммавий кўкаламзорлаштириш экологияни яхшилаш, шаҳар аҳолиси учун дам олиш масканларини очиш, пойтахтнинг иқлим шароитини яхшилаш имконини беради.

Охирги беш йилда Астанада 2,6 миллион тупдан ортиқ яшил дарахт экилди.