Валюталар курси:
    usd/kzt 426.14 eur/kzt 497.05

    rub/kzt 6.02 cny/kzt 66.69
Об-ҳаво маълумотлари:
Нур-Султон : 9 °С
Алматы: 15 °С

Astana Open турнирінің чемпиондары анықталды

26 Сентябрь 16:36

НҰР-СҰЛТАН. ҚазАқпарат - Елордада Astana Open ATP 250 турнирі мәреге жетті, деп хабарлайды ҚазАқпарат тілшісі.

Жекелей сында финалда әлемнің 65-ракеткасы, аустралиялық Джеймс Дакворт пен дүниежүзілік рейтингте 82-орында тұрған оңтүстіккореялық Квон Су Ву бас жүлдені сарапқа салды.

Сағат жарымнан астам уақытқа созылған матчта оңтүстіккореялық теннисші қарсыласын 7:6 (8:6), 6:3 есебімен ұтты.

Өз спорттық жолында айтулы табысына қол жеткізген Квон Сун Ву бәсеке барысында 4 эйс жасап, 6 брейк-пойнтттың екеуін мүлт жіберген жоқ. Қарсыласы 10 эйс жасағанымен, 1 брейкпен шектелді.

Жұптық сында жарыстың 1-ракеткалары, мексикалық Сантьяго Гонсалес пен аргентиналық Андреас Мольтени жеңімпаз атанды. Олар соңғы бәсекеде Израиль өкілі Йонатан Эрлих пен белоруссиялық Андрей Василевскийді 6:1, 6:2 есебімен тізе бүктірді.

Еске сала кетейік, бұдан бұрын Astana Open жарысында Александр Бубликтің финалға шыға алмағанын жазған болатынбыз.


Муаллиф:

Елжан Ералы

Новости по теме