Астана аэропортига 6 миллионинчи йўловчи учиб келди

ASTANA. Kazinform – Пойтахт аэропорти ўз тарихида илк бор бир йил ичида олти миллион йўловчига хизмат кўрсатди. Бу рекорд кўрсаткич, дея хабар беради Kazinform.

Бугун Нурсултон Назарбоев халқаро аэропортига Ақтаудан яна бир рейс учиб келди.

Аэропорт вакиллари ушбу рейс йўловчиларини тантанали кутиб олишди ва лототрон ёрдамида ғолибни аниқлашди.

Йўловчининг исми - Танзиля Жолдибаева. Ақтау шаҳрида яшовчи.

Олти миллионинчи йўловчига Air Astana компанияси аэропорт маъмурияти билан ҳамкорликда пойтахтдан исталган халқаро йўналишга иккита чипта тақдим этди.

Тадбирда «Нурсултон Назарбоев» халқаро аэропорти АЖ бошқаруви раиси Даулет Хамзин, Фуқаро авиацияси қўмитаси раиси Талғат Ластаев, «Қозоғистон авиация маъмурияти» АЖ бош директори ўринбосари Салтанат Томпиева иштирок этди.