Астана аэропортида иккинчи учиш-қўниш йўлаги қурилади
14:28, 20 Сентябр 2022
ASTANA. Kazinform - Яқин 5-6 йил ичида пойтахт аэропорти сиғимини ошириш зарур бўлади, дея хабар беради Kazinform Индустрия ва инфратузилмаларни ривожлантириш вазирлигига таяниб.
«Биз 2027-2028 йилларгача оқим даражасига эришишни кутмоқдамиз, бу эса учиш-қўниш йўлаги сиғимини оширишни талаб қилади. Биз учиш-қўниш йўлаги, такси йўлаклари ва перронни, шунингдек, ёритиш ускуналарини қоплашни режалаштирмоқдамиз. Учиш-қўниш йўлагини таъмирлаш вақтинчалик ноқулайлик туғдиради, бироқ биз муаммони ҳал қиламиз»
, — дейди Нурсултон Назарбоев халқаро аэропорти АЖ бошқаруви раисининг биринчи ўринбосари Даулет Хамзин.
Шунингдек, у самолёт ёқилғиси етказиб бериш логистикасини яхшилаш учун иккинчи учиш-қўниш йўлагини қуриш, махсус иқтисодий зона очиш ва темир йўл линияларини қуриш режалаштирилганини қўшимча қилди.
«Барча глобал ўзгаришлар иккита мақсадга эришиш учун амалга оширилади. Биринчиси, Астана ҳаво бандаргоҳи 2023 йилдаёқ йўловчи ташиш ва амалга ошириладиган рейслар сони бўйича Қозоғистондаги энг йирик портга айланиши керак. Иккинчиси, яқин 5 йил ичида юк ташиш ҳажмини 4 баравардан кўпроқ ошириш»
, — дея тушунтирди Даулет Хамзин.