Аргентиналик ҳужумчи «Реал» дарвозасига 4 та гол урди

ASTANА. Кazinform – Футбол бўйича Испания чемпионатининг 31-турида «Жирона» ўз майдонида Мадриднинг «Реал» клубини қабул қилди ва 4:2 ҳисобида ғалаба қозонди, деб хабар беради Kazinform мухбири.

Тўртта голнинг барчасини «Жирона»да тўп сураётган аргентиналик ҳужумчи Валентин Кастельянос киритди.

Учрашувнинг 12-дақиқасида В.Кастельянос ҳисобни очди. 12 дақиқадан сўнг у ҳисобни 2:0 кўринишига келтирди. 34-дақиқада «Реал»дан бразилиялик Винисиус Жуниор ҳисобни қисқартирди. Бироқ, 46 ва 62-дақиқаларда Мессининг ҳамюрти ўзининг аниқ зарбаси билан яна ажралиб турди. 85-дақиқада «Реал»дан испаниялик Лукас Васкес ўйиндаги нуқтани қўйди.

Бунгача 2012-2013 йилги мавсумда Дортмунднинг «Боруссия» клуби ҳужумчиси Роберт Левандовский Чемпионлар лигаси ярим финалида 4 та гол урганди.

В.Кастельянос XXI асрда Испания чемпионатида «Реал» билан ўйинда покер муаллифига айланган биринчи футболчи бўлди.

Испания чемпионатида «Реал» 65 очко билан турнир жадвалида иккинчи, «Жирона» (41 очко) эса 9-ўринда бормоқда.

«Барселона» «Реал»дан бир ўйин кам ўтказган ва 76 очко билан якка пешқадамлик қилмоқда.

Эслатиб ўтамиз, аввалроқ Месси «Барселона»га қайтса, йилига 25 миллион евро маош олиши ҳақида хабар берган эдик.

Муаллиф: Ғайсағали Сейтақ