Анқарада Туркий инвестиция фондини яратиш жараёни якунланди

ASTANA. Кazinform – Қозоғистон Миллий иқтисодиёт вазири ўринбосари Абзал Абдикаримов ва Туркия ғазначилик ва молия вазири ўринбосари Мурат Заман Анқарада музокаралар ўтказди, дея хабар беради Кazinform ҚР Миллий иқтисодиёт вазирлигининг Теlegram-каналига таяниб.

Тадбирда Қозоғистон Республикаси Адлия вазири ўринбосари Ақерке Ахметова ҳам иштирок этди.

Учрашувда А.Абдикаримов Туркия Президенти Режеп Таййип Эрдоғаннинг октябр ойида Қозоғистонга ташрифи икки давлат ўртасидаги муносабатларни янада ривожлантиришга туртки бўлишини таъкидлади.

Унинг сўзларига кўра, бугунги кунда Қозоғистон Республикаси Миллий иқтисодиёт вазирлиги ўз ҳамкорлари билан биргаликда Фонднинг ҳуқуқий асосларини шакллантириш устида фаол иш олиб бормоқда.

Бундан ташқари, Қозоғистон томони ташкил этилган жамғарма маблағларини бошқариш механизмига концептуал ёндашувларни ишлаб чиқмоқда ва келишувга ўзгартириш ва қўшимчалар киритмоқда.

Томонлар мазкур халқаро молия ташкилотининг ташкил этилиши минтақавий савдони кенгайтириш ва иқтисодий фаолиятни қўллаб-қувватлаш орқали Туркий давлатлар ташкилотига аъзо мамлакатларнинг иқтисодий ривожланишини қўллаб-қувватлаш имконини беришига ишонч билдирди.

Фото: t.me/presseconomy