Анқарада сув тошқини оқибатида 2 киши ҳалок бўлди
Туркия ҳукумати ҳузуридаги Фавқулодда вазиятларнинг олдини олиш ва оқибатларини бартараф этиш бошқармаси (АFAD) маълумотларига кўра, бир неча кун ичида 774 та фавқулодда чақирув қайд этилган. Шаҳарга жами 3914 нафар шахсий таркиб ва 1468 бирлик техника жалб этилган. Қутқарув гуруҳлари астойдил ишламоқда ва маҳаллий аҳолини сув тошқинидан қутқаришда давом этмоқда.
Табиий офат туфайли икки киши ҳалок бўлди. 67 ёшли эркак сув тошқинидан қочишга уриниб, баландликдан йиқилиб вафот этди, лойга тиқилиб қолган 21 ёшли йигит эса электр токи уриши оқибатида вафот этган.
Анқара шаҳар муниципалитети вилоятда давом этаётган кучли ёмғир туфайли ҳали ҳам сел хавфи мавжудлигини маълум қилди. Аввалроқ Чанкая, Этимесгут ва Синжон ҳудудларида ўртача ёғингарчилик, Бала ва Бейпазари ҳудудларида эса кучлироқ ёғингарчилик кузатилган.
Анқаранинг айрим ҳудудларида юзлаб уйлар сув остида қолган, инфратузилма вайрон бўлган, дарахтлар қулаган. Аҳоли турар жойларида қидирув ишлари давом этмоқда, Туркия об-ҳаво хизматлари мамлакатнинг марказий қисми ва шимолида ёмон об-ҳаво яқин кунларда ҳам давом этиши ҳақида огоҳлантирмоқда.
Сўнгги 4 кун ичида қайд этилган максимал шамол тезлиги соатига 92 км га этди ва ёғингарчилик миқдори Анқара учун ўртача йиллик кўрсаткичдан ошди. Шу кунларда фавқулодда вазиятлар билан боғлиқ 6670 та ҳодиса, жумладан, 250 та дарахт қулагани, 63 таси томни ёпиб қолгани, 5 та таянч деворларнинг қулаши ва 166 та лойқа тушиши қайд этилган.
Ёмғир ва момақалдироқ, кучли шамол, шунингдек, лой массалари кутилмоқда. Фуқаролардан узоқ масофаларга саёҳат қилмаслик, уйда қолиш ва эҳтиёт чораларини кўриш тавсия этилади. Шаҳарда оммавий тадбирлар тақиқланган, мактаблар ва болалар боғчаларида дарслар бекор қилинган. Об-ҳаво маълумотларига кўра, мамлакатнинг йирик мегаполисларидан бири Истанбул шаҳри ҳам хавф остида бўлиши мумкин.
Анқара ҳокими В.Шаҳин, шаҳар пуниципалитет мэри М.Явас, Туркия ички ишлар вазири С.Сойлу ва бошқа расмийлар сел зонасида бўлиб, ҳозирда оператив штаб ўз ишини давом эттирмоқда.
Муаллиф: Ақжигит Чукубаев