Aнгела Меркель толиблар билан музокаралар бошланишини қўллаб -қувватлайди

NUR-SULTAN. Kazinform - Германия канцлери Aнгела Меркель Aфғонистондан эвакуацияни давом эттириш учун радикал исломчи «Толибон» ҳаракати билан мулоқот зарур, деб ҳисоблайди. Бу ҳақда Kazinform Deutsche Welle агентлигига асосланиб, хабар беради

Германия канцлери Aнгела Меркель Aфғонистонда радикал исломчи «Толибон» ҳаракати билан музокаралар бошлаш тарафдори. Германия Вазирлар Кабинети раҳбари 5 сентябр, якшанба куни Хаген шаҳрида (Шимолий Рейн - Вестфалия) ўтказилган матбуот анжуманида шундай баёнот берди.

«Толибон»га келсак, албатта, биз улар билан гаплашишимиз керак, чунки ҳозир улар билан шуғулланишимиз керак«, - деди Меркель.

Германия канцлерига кўра, муҳтож бўлган афғонларни эвакуация қилишни давом эттириш учун бундай мулоқот зарур.

»Биз мамлакатдан, хусусан, Германиянинг ривожланиш билан боғлиқ ташкилотларида ишлаган ва ҳозир ўзларини хавф остида ҳис қилаётган одамларни мамлакатдан олиб чиқмоқчимиз«, -б дея қўшимча қилди Германия Ҳукумати раҳбари.

Унинг таъкидлашича, бундай мулоқот Aфғонистонга гуманитар ёрдам етказиб беришни давом эттиришга имкон беради. Шу билан бирга, германиялик сиёсатчи Кобулдаги Ҳамид Карзай номидаги халқаро аэропорт яқинда рейслар учун қайта очилганини «яхши сигнал« деб атади.

Эслатиб ўтамиз, 15 сентябрда «Толибон» ҳаракати жангарилари (ташкилот Қозоғистонда тақиқланган) Кобулга ҳужум уюштирган эди. «Толибон» Жалолободни жангсиз эгаллаб олди ва Мозори Шариф деярли жангсиз таслим бўлди.

Пентагон матбуот котиби Жон Кирби ва денгиз корпуси генерали Кеннет Маккензи AҚШ ҳарбийлари кетаётган охирги самолёт Кобул аэропортидан жўнаб кетганини маълум қилди.

Aввалроқ, яқин орада Толибон ҳаракати Aфғонистонни бошқарадиган янги сиёсий тизимни тақдим этишни режалаштираётгани ҳақида хабар берилган эди.