USD 434.84 EUR 498.2
RUB 5.72 CNY 68.47
Янгиликлар

Амманда ҚР Мустақиллигининг 30 йиллигига бағишланган фотокўргазма очилди

26 Ноябрь 17:16
Баҳам кўринг:
Амманда ҚР Мустақиллигининг 30 йиллигига бағишланган фотокўргазма очилди

AMMAN. Kazinform – Иордания пойтахтида Қозоғистон Республикаси Мустақиллигининг 30 йиллигига бағишланган фотокўргазма очилди, деб хабар беради Kazinform мухбири.

Кўргазма Қозоғистоннинг Аммандаги элчихонаси томонидан Иордания Миллий кутубхонаси билан ҳамкорликда ташкил этилди.

Қозоғистон Республикасининг Иорданиядаги элчиси Айдарбек Туматов ўзининг қутлов сўзида мамлакат мустақилликка эришганидан кейин 30 йил давомида эришилган ютуқларга тўхталиб, Ҳошимийлар Қироллиги билан икки томонлама муносабатлар ривожланиб бораётганини ҳам алоҳида таъкидлади.

«Сўнгги ўттиз йилликда Иордания ва Қозоғистон ўртасида намунали муносабатлар ўрнатилди. Иордания араб дунёсидаги асосий ҳамкорларимиздан биридир», - деди қозоқ дипломати.

Очилиш маросимида фотокўргазма меҳмонларига Қозоғистоннинг диққатга сазовор жойлари ҳақидаги видеоролик намойиш этилди.

Тематик экспозицияда ташриф буюрувчиларни мустақил давлат шаклланиши ва ривожланишининг асосий босқичлари, маданияти, табиати, диққатга сазовор жойлари, шунингдек, халқаро майдондаги асосий ютуқлар билан таништирган фотосуратлар тақдим этилган.

Тадбирда Қиролликда аккредитатсиядан ўтган дипломатик корпус, илмий доиралар, жамоат ташкилотлари ва маҳаллий оммавий ахборот воситалари вакиллари иштирок этди.



Баҳам кўринг:
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив