Америка компанияси болаларнинг хавфли меҳнати учун 1,5 миллион доллар жаримага тортилди

WASHINGTON. Кazinform - АҚШ ҳукумати АҚШнинг қатор штатларида соғлиғи учун хавф остида ишлаган 100 дан ортиқ вояга етмаган болаларни аниқлади, деб хабар беради Кazinform мухбири NBC Newsга таяниб.

Меҳнат департаменти мамлакатнинг энг йирик фирмаларидан бири Packers Sanitation Services Inc. да саккиз штатдаги 13 та қассобхонани тозалашда 13 ёшли 102 нафар бола хавфли тунги ишларда ишлаётганини айтди. Компания озиқ-овқат санитариясига ихтисослашган ва бутун мамлакат бўйлаб 700 та жойда 17 000 ишчи ишлайди.

Packers Sanitation Services Inc. АҚШнинг адолатли меҳнат стандартлари тўғрисидаги қонунига биноан 1,5 миллион доллар жарима тўлаган. Низом меҳнат қонунчилигини бузган ҳолда ишга қабул қилинган ҳар бир вояга етмаганлар учун 15 138 доллар ундиришни назарда тутади.

Меҳнат департаментининг айтишича, тунги сменада ишлайдиган болалар ўткир арра ва жиҳозларни тозалаш учун хавфли кимёвий моддалардан фойдаланган.

Болалар ҳимоячиларининг таъкидлашича, жабрланувчиларнинг баъзилари яқинда АҚШ жанубий чегарасини кесиб ўтган «ҳамроҳсиз» қочқин вояга етмаганлар сифатида таснифланган. Чегарачилар томонидан текширилгандан сўнг улар Соғлиқни сақлаш ва аҳолига хизмат кўрсатиш вазирлигининг Қочқинларни жойлаштириш бошқармасига топширилди.

Миллий хавфсизлик департаментининг федерал терговчилари болалага одам савдоси эҳтимоли бўйича тергов ва суҳбатлар ўтказмоқда.

Муаллиф: Рустем Қожибаев

Фото: Josh Funk/AP