«Алтин алқа» ва «Кумис алқа» медаллари билан тақдирланган оналарга нафақа тайинлаш тартиби соддалаштирилди

NUR-SULTAN. Kazinform – ҚР Меҳнат ва аҳолини ижтимоий ҳимоя қилиш вазирлиги «Алтин алқа» ва «Кумис алқа» медаллари билан тақдирланган кўп болали оналар учун давлат нафақалари бўйича проактив хизматлар олиш тартибини соддалаштирди, деб хабар беради Kazinform вазирлик матбуот хизматига таяниб.

«Кўп болали оналарнинг меҳнатини улуғлаш ва қадрлаш мақсадида давлатимиз томонидан «Алтин алқа» ва «Кумис алқа» медаллари билан тақдирланади, медал соҳиблари эса тегишли давлат нафақаларига эга бўладилар. Кўп болали оналарнинг вақтини тежаш мақсадида 2019 йилдан бошлаб вазирлик ушбу нафақани тайинлаш бўйича давлат хизматларини проактив форматда олиш имконини беради. Бу аёлларни исталган вақтда ва исталган жойда давлат хизматларидан фойдаланиш учун навбатда туришдан қутқарди. Хизматни олувчи ягона СМС-хабарга жавобан имтиёзларни проактив тарзда расмийлаштиришга розилик билдиради ва банк ҳисобварағини тасдиқлайди. Давлат хизматларини кўрсатиш учун зарур бўлган бошқа маълумотлар давлат органларининг ахборот тизимларидан олинади», - деди Меҳнат ва аҳолини ижтимоий ҳимоя қилиш вазири ўринбосари Ербол Оспанов.

Соддалаштирилган тартиб проактив форматда давлат нафақаларини ажратишни сезиларли даражада оширди. Ушбу ўзгаришлар туфайли 2021 йилда проактив хизматлардан фойдаланилган кўп болали оналар сони икки баравар кўпайди – 9 минг киши.