Валюталар курси:
    usd/kzt 466.44 eur/kzt 487.71

    rub/kzt 8.56 cny/kzt 69.65
Об-ҳаво маълумотлари:
Нур-Султон : 1 °С
Алматы: 15 °С

Алоҳида эҳтиёжли болаларга Миллий ягона тестда қўшимча вақт берилади

17 Май 13:46

NUR-SULTAN. Kazinform – Жорий йилда алоҳида эҳтиёжли мактаб битирувчиларига Миллий ягона тест топширганда қўшимча 40 дақиқа вақт берилади. Бу ҳақда Миллий тест маркази директори Руслан Емелбаев маълум қилди, дея хабар беради Kazinform мухбири.

«Бу йил битирувчиларда Миллий ягона тестни топшириш учун иккита имконият бор. Асосий Миллий ягона тестга рўйхатга олиш 28 апрелдан 14 майга қадар давом этди. Бу йилги ва ўтган йилги битирувчилар Миллий ягона тестни алоҳида топширадилар. Синов кунида икки марта, яъни тушдан олдин ва тушдан кейин амалга оширилади. Бундан ташқари, бу йил алоҳида эҳтиёжли ўқувчилар учун Миллий ягона тестда бир қанча имтиёзлар мавжуд. Хусусан, махсус болалар рўйхатга олиш пайтида нима бўлиши кераклигини кўрсатиши мумкин. Ва биз махсус бола қайси марказда ва қайси куни тест топширишини аниқлаш учун зарур шарт-шароитларни яратамиз», - деди Руслан Емелбаев Таълим ва фан вазирлиги ходимлари йиғилишида.

Унинг таъкидлашича, бу йил Миллий ягона тестлари 37 кун давомида ўтказилади. Мамлакатда 43 та тест пункти мавжуд.

«Махсус битирувчиларга асосий вақтга (240 дақиқа) яна 40 дақиқа қўшимча вақт берилади. Энг муҳими, тест топшириқлари махсус болаларнинг эҳтиёжларини ҳисобга олган ҳолда ишлаб чиқилган. Бу йил асосий Миллий ягона тестга битирувчилар сони 281 минг нафардан ошди. Уларнинг аксарияти бу йилги битирувчилардир», - деди у.

Муаллиф: Али Ибраев

Новости по теме
Ўхшаш янгиликлар