Алматидаги шифокорлар ўпкасининг 96 фоизи шикастланган нафақахўрнинг ҳаётини сақлаб қолишди

ALMATY. Kazinform – Алматидаги шифокорлар ўпкасининг 96 фоизи шикастланган нафақахўрни қутқардилар. Бемор коронавирус юқтириб, оғир ҳолатда икки томонлама пневмония билан касалхонага ётқизилган. Бу ҳақда шаҳар марказий касалхонаси матбуот хизмати хабар берди, деб хабар беради Kazinform мухбири.

Агентликнинг хабар беришича, 67 ёшли аёл 22 март куни Алматидаги Марказий шаҳар клиник касалхонасига оғир аҳволда ётқизилган. КТда ўпканинг икки томонлама полисегментал зарарни кўрсатди. Бундан ташқари, ўпканинг 96% шикастланганлиги аниқланди.

Бемор дарҳол жонлантириш бўлимига ётқизилди. Касалхонанинг реаниматологлари уни саккиз кун деганда оғир аҳволдан олиб чиқишди. Даволаш пайтида мутахассислар кислород билан таъминланган тиббий асбоблардан фойдаланишди. Фақатгина шифокорларнинг профессионаллиги туфайли у соғайиб чиқди.

«Бошқа сурункали касалликлар туфайли даволаниш қийин кечди. Беморда артериал гипертензия, юрак-қон томир етишмовчилиги, ишемик кардиёмиёпатия бўлган. Бугун бемор касалхонадан чиқарилди. Ҳозир унинг саломатлиги яхши. Энди у амбулатория шароитида маҳаллий шифокор назорати остида бўлади ва агар керак бўлса, реабилитация курсидан ўтади», - деди шифокор Ихтияр Байжанов.

Алматилик аёл шифокорларга миннатдорчилик билдирди.

Муаллиф: Алма Муқанова