Алматида яна учта метро бекати қурилади
4 Июль 15:29

Алматида яна учта метро бекати қурилади

ALMATY. Кazinform - Алматида 3 та янги метро бекати қурилади. Бу ҳақда шаҳар раҳбари Алмати шаҳрини 2025 йилгача ривожлантириш режасини муҳокама қилиш чоғида маълум қилди, деб хабар беради Kazinform мухбири.

Лойиҳа муҳокамасида шаҳар жамоатчилик кенгаши аъзолари, маслихат депутатлари, экспертлар уюшмаси вакиллари иштирок этди.

«Биз агломерациядан келадиган ва асосий дарвозалардан кирувчи транспорт ҳаракатини енгиллаштиришга қаратилган 4 та ўзаро алмашиш ҳабларини ташкил қиламиз. Ғарбий йўналишда 3 та янги метро бекати қурилади. Алмати метрополитенини янада ривожлантириш доирасида шимолий йўналишда метрополитенни Алмати-1 темир йўл вокзалига қадар ривожлантириш бўйича таклифлар тайёрланади», — деди Ерболат Досаев.

Бундан ташқари, унинг айтишича, жорий йилнинг октябр ойига қадар Тўле би кўчасида LRT - енгил темир йўл транспортини ривожлантириш бўйича қарор қабул қилинган.

«Шунингдек, биз велоспортни фаол қўллаб-қувватлаш ниятидамиз, шунинг учун келгуси йилдан бошлаб йиллик молиялаштиришдан келиб чиқиб, 2025 йилда велосипед йўлакларининг узунлигини 60 километрга, 2030 йилда эса йиллик маблағ билан 125 километрга, яъни икки баробарга оширамиз», — деди шаҳар ҳокими.

Бундан олдин Алматида 2 та метро бекати ишга туширилди.

Муаллиф: Алма Муқанова


Ўхшаш янгиликлар

Янгиликлар

Архив