Алматида табиий ёнғин манбаларини эрта аниқлаш учун видеокамералардан фойдаланилади
Алмати шаҳар Фавқулодда вазиятлар бошқармаси бошлиғи Руслан Қасибаевнинг сўзларига кўра, бундай рақамли янгилик ёнғинни тутун ва юқори ҳарорат таъсирида эрта аниқлаш имконини беради.
«Биз табиат боғи ҳудудида смарт-камералар деб аталадиган оптик сенсор ва тепловизор қурилмаларини жорий этиш масаласини ишлаб чиқмоқдамиз. Ҳарорат камералари ёрдамида видеокузатув пиёда ва ҳаво патрулларига қараганда самаралироқ ҳамда арзонроқ», - деди у.
Шуниси эътиборга лойиқки, бундай камералар автоматик равишда олов манбаларини аниқлашга ва кучлар ҳамда ўт ўчириш мосламаларини этказиб бериш учун қулай йўналишларни яратишга қодир.
«Қазавиорманкорғау» алматилик қутқарувчиларга ёнғинни тезда ўчиришда ёрдам беради. Иссиқ даврда ҳар куни тоғ-ўрмон ҳудуди бўйлаб парвоз амалга оширилади. Патруллик пайтида термал тасвирга эга дрон ишлатилади.
«Дрон ёнғин содир бўлган жойларни аниқлаш ва унга мобил ёнғин ўчириш гуруҳларини жўнатиш имконини беради. Бундай хатарларнинг барчаси юқори даражадаги хавфга эга», - дея қўшимча қилди у.
Муаллиф: Алма Муқанова