Алматида газ билан ҳаракатланадиган 300 та автобус харид қилинди

ALMATY. Кazinform – Алмати шаҳар ҳокимлиги давлат раҳбари топшириқларини фаол амалга оширмоқда. Бу ҳақда Марказий коммуникациялар хизматида бўлиб ўтган брифингда Ерболат Досаев маълум қилди, деб хабар беради Kazinform мухбири.

Унга кўра, шаҳар иқтисодиётининг барқарор ўсиши таъминланди. Жорий йилнинг 5 ойи якунлари бўйича қисқа муддатли иқтисодий кўрсаткич 107,6 фоизга ўсди.

«Жорий йил бошидан буён 16 минг 300 иш ўрни яратилди. 3,3 минг ўринли 54 та болалар боғчаси ишга туширилди, 45 километр муҳандислик тармоғи қурилди. 300 дона газ билан ҳаракатланадиган автобуслар харид қилинди, 145 минг туп дарахт экилди», — деди у.

Бундан ташқари, ҳокимнинг айтишича, сентябргача Алмати агломерациясини ривожлантириш бўйича комплекс режа ишлаб чиқилган. Ушбу режада мегаполис ва Алмати вилояти ўртасидаги синергия лойиҳалари белгиланади.

«Юқори сармоявий фаоллик кузатилмоқда, йил бошидан буён асосий капиталга киритилган инвестициялар 20,9 фоизга ошди. Шаҳар иқтисодиётининг асосий тармоғи бўлган савдо йил бошидан буён биринчи марта 1,7 фоизга ўсиб, «ижобий зона»га кирди. Жорий йилнинг 5 ойида Алматида ишбилармонлик фаоллиги индекси 4 фоизлик пунктга ошиб, май ойи охирида 48,7 фоизни ташкил этди. Биринчи ярим йиллик якунларига кўра, 50 фоиздан юқори кўрсаткич билан ижобий зонага етиши кутилмоқда», — деди у.

Муаллиф: Алма Муқанова