Алматида 7 минг кишилик масжид қурилмоқда
12:57, 05 Июн 2020
ALMATY. Kazinform – Алмати шаҳрида хусусий сармоядорлар маблағига янги масжид қурилмоқда, деб хабар беради Kazinform мухбири.
Қурилиши эндигина бошланган масжид бир вақтнинг ўзида 7000 кишини қабул қила олади. Бу ҳақда шаҳар ҳокими Бақитжан Сағинтаев ўзининг Іnstagram саҳифасида ёзди.
«Алматининг Алатау туманида хусусий сармоядорлар ҳисобига янги масжид қурилади. Масжид бир вақтнинг ўзида 7000 одамни қабул қила олади. Масжид нафақат шаҳардаги энг катта диний маърифий ва маънавий бино бўлади, балки мегаполиснинг меъморий ёдгорликлари қаторидан муносиб ўрин эгаллайди», - деб ёзди Алмати ҳокими.
Масжид 2021 йилда фойдаланишга топширилади.
Муаллиф: Алма Муқанова