Алматида 200 дан ортиқ тадбиркор етказилган зарар учун товон пули олди

ALMATY. Кazinform - Январ ойида Алмати шаҳрида юз берган тартибсизликлар натижасида жабрланган тадбиркорлик субъектларига етказилган зарарни қоплаш бўйича ҳудудий комиссиянинг навбатдаги йиғилишида умумий қиймати 337,4 миллион тенге бўлган 204 та ариза маъқулланди, дея хабар беради Kazinform мухбири.

Шундан «Жаңа Алатау» хайрия жамғармаси орқали 208,3 млн тенге миқдоридаги 111 та ариза қўллаб-қувватланди; 93 нафар тадбиркорга бюджетдан 129,1 миллион тенге компенсация тўланади. Эслатиб ўтамиз, комиссия иш бошлаганидан буён 370,3 млн тенге миқдорида 221 та ариза маъқулланди.

Ҳозир комиссия иши давом этмоқда. Тадбиркорларнинг мурожаатлари тақдим этилган ҳужжатларнинг тўлиқлиги синчиклаб ўрганилиб, комиссия аъзоларининг очиқ овоз бериш йўли билан кўриб чиқилади.

«Аввалроқ вилоят комиссияси харажатларни қоплаш механизмидаги камчиликларни аниқлаб, уни такомиллаштириш бўйича таклиф киритган эди. Шундай қилиб, тўловларнинг максимал миқдори 5 миллион тенгегача бўлган соддалаштирилган механизм бўйича зарарларни қоплаш механизми мавжуд. Бу зарар кўрган тадбиркорлик субъектларини қамраб олишни сезиларли даражада кенгайтиради ва товон тўлашни тезлаштиради. Бундан ташқари, давлат бюджети билан бир қаторда жамғарманинг ўз маблағлари ҳисобидан тўловлар амалга оширилади. Компенсация механизмини такомиллаштириш ишлари олиб борилмоқда», — дейилади ҳокимлик хабарида.

Муаллиф: Думан Арғингелди