Алмати шифокорлари ўпкасининг 96%и шикастланган аёлни ҳаётга қайтарди

ALMATY. Kazinform – Алмати шифокорлари ўпкасининг 96%и шикастланган аёлни ҳаётга қайтарди, деб хабар беради Kazinform мухбири.

Оғир коронавирус инфекцияси ва икки томонлама пневмония билан касалланган 56 ёшли аёл Алмати шаҳар марказий клиник касалхонасига ётқизилган.

Компютер томографияси унинг ўпкасининг 96%и полисегмент шикастланганини кўрсатди. Бундан ташқари, иккиламчи артериал гипертензиянинг асоратлари мавжуд эди.

Бемор зудлик билан реанимация бўлимига ўтказилди.

Марказий шаҳар клиник шифохонасининг шифокорлари реанимация бўлимида беморнинг ҳаёти учун 10 кун давомида курашишди.

Кейинчалик беморнинг аҳволи яхшилангани сабабли у профил бўлимига ўтказилди.

«Ҳозир беморнинг аҳволи яхши, махсус кўрикдан сўнг участка шифокори назорати остида бўлади», - дейди бош врачи вазифасини бажарувчи Гулнора Қулқаева.

«Мен шифокорлар, ҳамширалар ва санитарларга жуда миннатдорман. Мен учун қилган барча ишлари, ҳаётимни сақлаб қолгани ва иккинчи ҳаёт берганингиз учун сизларга катта раҳмат!» - дейди бемор.

Муаллиф: Гулмир Ғосманали