Алмати шаҳрининг бир туманида учта тиббиёт муассасаси қурилади

ALMATY. Kazinform – Алмати шаҳрининг Науризбай туманида 500 кишига мўлжалланган 2 та янги поликлиника ва 1 та амбулатория қурилади. Ерболат Досаев шаҳар аҳолиси билан учрашувда қурилиш тиббий хизмат сифатини оширишини маълум қилди, деб хабар беради Kazinform мухбири.

«Қурамис кичик туманидаги биринчи поликлиниканинг лойиҳа-смета ҳужжатлари ишлаб чиқиляпти. Ўйлайманки, октябрь ойида давлат экспертизасидан ижобий натижа оламиз. Маблағлар ажратилишига қараб, 2024 йилнинг биринчи чорагида қурилишни бошлашни режалаштирганмиз», - деди у.

Бундан ташқари, иккинчи поликлиника бўйича Шуғил кичик туманидаги лойиҳа ташкилоти билан шартнома тузилганини таъкидлади.

«Жорий йилнинг IV чорагида давлат экспертизасининг ижобий хулосасини олиш режалаштирилган, қурилиш ишлари 2024 йил баҳорида бошланади. Шунингдек, Ақжар кичик туманидаги 200 ўринли амбулаториянинг лойиҳа-смета ҳужжатлари ишлаб чиқиляпти. Қурилиш тахминан 2024 йилнинг II чорагида бошланади», - деди Ерболат Досаев.

Муаллиф: Алма Муқанова