Алмати шаҳрига 59 минг дозага яқин «Комирнати» вакцинаси ажратилди

None
ALMATY. Kazinform – Қозоғистонга олиб келинган «Комирнати» вакцинасининг 58 860 дозаси Алмати шаҳри аҳолиси учун ажратилди, деб хабар беради Kazinform мухбири.

Алмати шаҳар санитария-эпидемиология назорати департаменти маълумотларига кўра, Алмати шаҳри аҳолиси учун мамлакатга келтирилган «Комирнати» вакцинасининг 58 860 дозаси ажратилди. Вакцина амбулатория-поликлиника тармоғидаги тиббиёт ташкилотларига тарқатилади. КВИ га қарши ревакцинация учун ҳам мавжуд.

«Коронавирусдан ҳимояланишнинг энг самарали ва хавфсиз усули бу эмлаш ва ревакцинация. Шунинг учун, қайта эмлашни кечиктирманг. Ўзингизни ва яқинларингизни коронавирус инфекциясидан ва унинг асоратларидан олдиндан асранг», - дея огоҳлантирди агентлик.

Эслатиб ўтамиз, Қозоғистонга КВИ га қарши 500 минг дозадан ортиқ «Комирнати» вакцинаси олиб келиниши ҳақида ёзилган.

Шунингдек, 3 март куни Алмати халқаро аэропортига Словакиядан КВИ га қарши 500 минг дозадан ортиқ «Комирнати» вакцинаси етказилгани ҳақида хабар берилган.

Муаллиф: Думан Арғингелди


Сўнгги хабарлар