Алмати шаҳрида Евроосиё гуруҳи мамлакатлари парламент қўмиталари вакилларининг ІІ форуми бўлиб ўтди

None
ALMATY. Kazinform – Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш бўйича Евроосиё гуруҳи мамлакатлари парламент қўмиталари вакилларининг ІІ форумининг асосий мавзуси терроризмга қарши қонунчиликни такомиллаштириш бўлди, деб хабар беради Kazinform.

Форум Алмати шаҳрида Қозоғистон Республикаси Парламенти Сенати Раиси ўринбосари Ольга Перепечина иштирокида бўлиб ўтди ва у ўзининг нутқида қонунчилар ўртасидаги тўғридан-тўғри кўп томонлама мулоқот ЕОГни ривожлантириш йўлидаги муҳим қадам эканлигини таъкидлади.

Форумда ЕОГга аъзо 9 та давлатнинг (Беларусь, Ҳиндистон, Қозоғистон, Хитой, Қирғизистон, Россия, Тожикистон, Туркманистон, Ўзбекистон) парламент аъзолари ва молиявий разведка бўлинмалари раҳбарлари, шунингдек, Арманистон, АҚШ, КХШТ ва БМТнинг Терроризмга қарши кураш бошқармаси вакиллари, шунингдек, Бирлашган Араб Амирликлари вакиллари таклиф этилган меҳмон сифатида иштирок этди.

Парламент аъзолари террорчилик ва экстремистик фаолиятни молиялаштириш каналларини кузатиш, аниқлаш ва уларга чек қўйиш бўйича чора-тадбирларни қонунчилик билан тартибга солиш амалиётини муҳокама қилди. Улар қонун лойиҳаларини ишлаб чиқиш, эксперт ва жамоатчилик муҳокамасига оид тажриба ва мисоллар билан ўртоқлашди.

Форум иштирокчилари фақат парламентлараро ҳамкорлик доирасидаги яхши мувофиқлаштирилган иш, жумладан, FATF стандартларини жорий этиш ва ратификация жараёнларини тезлаштириш ЕОГ фаолияти самарадорлигига аниқ таъсир кўрсатиши ҳақидаги ягона позицияни билдирди.

Форум якунида иштирокчилар Якуний декларацияни қабул қилиб, ЕОГга аъзо давлатларни терроризмни молиялаштиришга қарши курашиш, шунингдек, ёшлар ва нодавлат нотижорат ташкилотларини жалб қилиш билан боғлиқ масалаларни қонунчилик билан тартибга солишга ёндашувларни уйғунлаштириш чораларини кўришга чақирди.

Эслатиб ўтамиз, 4-9 июнь кунлари Алмати шаҳрида жиноий даромадларни легаллаштириш ва терроризмни молиялаштиришга қарши кураш бўйича Евроосиё гуруҳининг ялпи ҳафталиги бўлиб ўтади.


Сўнгги хабарлар