Алмати - Қозоғистондаги энг кўп театр мавжуд шаҳар

ALMATY. Кazinform - Алмати - мамлакатдаги энг кўп театрлар тўпланган жой. Бу ҳақда Стратегик режалаштириш ва ислоҳотлар агентлигининг Миллий статистика бюроси маълум қилди, дея хабар беради Kazinform мухбири.

Бюро маълумотларига кўра, 1932 йилда мамлакатда атиги 2 та театр ишлаган. 4 йилдан кейин уларнинг сони 24 тага етади.

«Бугунги кунда Қозоғистоннинг 65 та театрида спектакллар қўйилмоқда. Улардан 10 таси хусусийдир. Театрларнинг аксарияти Алматида тўпланган бўлиб, у ерда 18 та театр фаолият юритади. Астанада - 9 та, Чимкентда 6 та санъат уйи бор.Театрларнинг асосий улушини драма театрлари ташкил этади. Уларнинг сони 36 та. Қозоғистонда 4 та опера ва балет театри, шунча мусиқали театр бор. Ёш томошабинлар учун 6 та театр ва яна 9 та қўғирчоқ театри мавжуд», - дейилади хабарда.

Қолаверса, театрга ташриф буюрувчиларнинг аксарияти Алматида.

«2021 йилда театрларда 2565 та спектакл намойиш этилди. Улардан 319 таси янги саҳналаштирилган. Ўтган йили санъаткорларнинг чиқишларини 1 миллион 172 минг 718 нафар томошабин томоша қилган. Томошабинларнинг асосий қисми Алмати (278,3 минг киши), Астана (211,3 минг киши) ва Шарқий Қозоғистон вилояти (137,2 минг киши) театрларида бўлди», — дейилади Миллий статистика бюроси хабарида.

Муаллиф: Думан Арғингелди