Алмати хорижлик сайёҳлар оқимини 1 миллион кишига етказишни режалаштирмоқда

ALMATY. Кazinform - Алмати ҳокими Ерболат Досаев шаҳарда туризмнинг комплекс инфратузилмаси ривожлантирилишини айтди, деб хабар беради Кazinform мухбири.

«Биз Алмати ва бутун Алмати агломерациясининг туризм салоҳиятидан тўлиқ фойдаланишимиз керак. Туризм инфратузилмасини ҳар томонлама ривожлантирамиз, жумладан, янги аэропорт терминали қурамиз, бу йилига йўловчилар оқимини икки бараварга, яъни 14 млн кишига кўпайтиради, тоғ-чанғи курорти ва экотуризм марказини ташкил этамиз, меҳмонхоналар фондини кенгайтирамиз», — деди ҳоким Режанинг асосий устувор йўналишлари лойиҳасини 2025 йилгача ривожлантириш ва 2030 йилгача бўлган ўрта муддатли истиқболлар тадбирида.

Мегаполис раҳбари Алмати шаҳрини сайёҳлик маскани сифатида тарғиб қилиш ва туристларга хизмат кўрсатиш сифатини ошириш мақсадида шаҳарнинг янги «Discover Аlmaty» бренди ишлаб чиқилишини таъкидлади.

«Биз 2030 йилда чет эллик сайёҳлар оқимини 1 миллион кишига етказишни режалаштирмоқдамиз», — дея қўшимча қилди Е. Досаев.

Шаҳар ҳокимининг сўзларига кўра, шаҳарликлар туризмни бошқариш тизимини стандартлаштириш, рақамли хариталар, уч тилли менюлар ва сайёҳлик ҳудудларида бепул Wi-Fi жорий этиш бўйича таклифлар олган.

«Биз бу таклифларга қўшиламиз ва келгусида ривожланиш режасини ишлаб чиқишда уларни ҳисобга оламиз», - деди ҳоким.