Алихан Смайилов TAV Airports холдинги раҳбарияти билан авиация соҳасидаги ҳамкорликни муҳокама қилди
Алихан Смаилов Туркия Қозоғистоннинг савдо-иқтисодиёт, сармоя, шунингдек, транспорт соҳасидаги асосий ҳамкорларидан бири эканини таъкидлади.
«Биз мамлакатнинг транспорт-логистика салоҳиятини оширишга катта эътибор қаратмоқдамиз. Бугун Ҳукумат олдида Қозоғистоннинг ишончли континентал транзит маркази сифатидаги ролини кучайтириш вазифаси турибди», – деди у.
Бош вазир TAV Airports Ҳолдинг компаниясининг Алматида янги халқаро терминал қуриш бўйича йирик инфратузилма лойиҳасини амалга оширишдаги иштироки муҳим эканини таъкидлади.
«Бу Марказий Осиёдаги энг йирик аэропортлардан бири бўлиб, катта стратегик аҳамиятга эга. Янги терминалнинг қурилиши йўловчилар ташиш ҳажмини сезиларли даражада оширишини, парвозлар географиясини кенгайтиришини ҳамда мегаполис аҳолиси ва меҳмонларига юқори даражадаги қулай хизмат кўрсатишини кутиб қоламиз», – деди Бош вазир.
Ўз навбатида Серкан Каптан компания фаолияти ва Қозоғистондаги ишлаб чиқариш масалалари ҳамда мамлакатдаги бошқа лойиҳаларда иштирок этишни режалаштираётганини айтди.
«Алмати аэропорти биз учун энг муҳим лойиҳалардан бири, чунки у Марказий Осиёнинг қоқ марказида жойлашган бўлиб, шаҳар ва бутун Қозоғистон учун муҳим рол ўйнайди. Шунинг учун биз уни имкон қадар тезроқ ривожлантиришга ҳаракат қиламиз. Умид қиламизки, янги терминал келгуси йилда ишлай бошлайди», – деди Серкан Каптан.
Учрашув якунларига кўра, томонлар самарали ҳамкорликни янада мустаҳкамлашга тайёр эканликларини тасдиқладилар.