Alibabaда Қозоғистон миллий платформаси ишга туширилди
24 Июнь 13:41

Alibabaда Қозоғистон миллий платформаси ишга туширилди

NUR-SULTAN. Kazinform – Alibaba.com савдо платформасида Қозоғистон миллий павильони очилди, деб хабар беради Kazinform мухбири.

Дунёдаги энг йирик B2B платформасида очилган миллий павильон қозоғистонлик ишлаб чиқарувчиларга ўз маҳсулотларини онлайн тарзда сотиш ва реклама қилиш имконини беради.

Павильон очилишига бағишланган тадбирда ҚР Савдо ва интеграция вазири ўринбосари Қайрат Тўребаев, QazTrade АЖ бош директори Азамат Асқарули, Alibaba.com вице-президенти Эндрю Чженг иштирок этди.

Вазир ўринбосари Қайрат Тўребаев бугунги кунда электрон тижорат жадал ривожланаётгани, Қозоғистон жаҳон тенденциялари билан ҳамқадам бўлишга тайёрлигини таъкидлади. Унинг сўзларига кўра, Alibaba билан ҳамкорлик туфайли Қозоғистон компаниялари ўз маҳсулотларини ташқи бозорларда илгари суриш имкониятларини кенгайтира олади.

«Alibaba майдонида миллий павильоннинг очилиши хорижлик харидорларнинг қозоқ маҳсулотларига бўлган талаби юқори эканлигини тасдиқлади»

, — деди у.

QazTrade АЖ бош директори Азамат Асқарулининг таъкидлашича, мамлакат корхоналари маҳсулотларини бозорлар орқали оммалаштириш самарали. Электрон платформаларда савдони бошлаган компанияларнинг савдоси яхшиланди.

Ҳозирда Қозоғистоннинг Alibaba.com базасидаги 130 та компанияси «олтин» компаниялар сифатида рўйхатга олинган. Улар глобал платформа орқали 7500 дан ортиқ маҳсулотни сотадилар.

Қозоғистон МДҲ ва Евроосиё иқтисодий иттифоқида Россия Федерациясидан кейин Alibaba.com сайтида павильон очган иккинчи давлатдир.

Муаллиф: Есимжан Нақтибай


Ўхшаш янгиликлар

Янгиликлар

Архив