Александр Бублик Франциядаги турнирнинг чорак финалига чиқди

ASTANA. Kazinform – Қозоғистоннинг биринчи, дунёнинг 55-ракеткаси Александр Бублик Францияда ўтказилаётган Экс-ан-Провенс челленжер турнирида чорак финалга чиқди, деб хабар беради Kazinform мухбири.

Қозоғистонлик теннисчи иккинчи даврада жаҳон рейтингида 114-ўринни эгаллаб турган финляндиялик Отто Виртанен билан куч синашди.

Биринчи ўйинда финляндиялик спортчи 2:0 ҳисобида олдинда борганди. Бироқ А.Бублик ўйин тизгинини ўз қўлига олишга муваффақ бўлди – 6:4.

Иккинчи сетда ҳам худди шундай ҳисоб қайд этилди - 6:4.

Бир соатдан ортиқ давом этган баҳсда А.Бублик 3 та эйс амалга оширди ва 9 та брейк-пойнтдан 5 тасини фойдалана олди. Рақиб 4 эйс, 3 брейк (9 брейк-пойнт) билан ажралиб турди.

А.Бублик ярим финалга чиқиш учун рейтингда 241-ўринни эгаллаб турган франциялик Гарольд Майо билан беллашади.

Эслатиб ўтамиз, аввалроқ Александр Бублик Франциядаги турнирда иккинчи даврага чиққани ҳақида хабар берган эдик.

Шунингдек, Қозоғистон ўсмирлари ЖЧ саралаш турнирининг 1/2 финалига йўл олди.

Муаллиф: Ғайсағали Сейтақ