Александр Бублик АҚШдаги мусобақанинг чорак финалига чиқди

ASTANA. Kazinform – Қозоғистоннинг биринчи, дунёнинг 46-ракеткаси Александр Бублик АҚШнинг Феникс шаҳрида ўтказилаётган ATP Challenger Tour Arizona Tennis Classic турнирининг чорак финалига чиқди, деб хабар беради Kazinform мухбири.

Мусобақанинг тўртинчи ракеткаси сифатида қайд этилган қозоғистонлик теннисчи иккинчи даврада дунёнинг 93-ракеткаси хитойлик Чжи-Чжен Чжан билан учрашди.

А.Бублик икки сет давомида рақибини катта устунлик билан таслим қилди - 6:1, 6:2.

Александр Бублик ярим финалга чиқиш учун 134-ўринни эгаллаб турган германиялик Ян-Леннард Струфф билан беллашади.

Муаллиф: Ғайсағали Сейтақ