Ал-Хоразмий номидаги Тошкент ахборот технологиялари университети халқаро рейтингга кирди

TASHKENT. UzA-Kazinform – Муҳаммад Ал-Хоразмий номидаги Тошкент ахборот технологиялари университети «THE Impact Ranking 2023» рейтингига кирди, дея хабар беради Kazinform UzA агентлигига таяниб.

Умумий кўрсаткичлар бўйича ТАТУ жаҳон университетлари орасида 1001+ ўринни эгаллайди. Times Higher Education Impact Rankings 2023 университетларнинг Бирлашган Миллатлар Ташкилотининг Барқарор ривожланиш мақсадларига мувофиқлигини баҳоловчи ягона глобал рейтинг ҳисобланади.

Рейтингга кўра, олий таълим муассасаларининг қайд этилган мақсадларни амалга ошириш ва ривожлантириш йўналишидаги фаолияти баҳоланади.

БМТ Барқарор ривожланиш мақсадлари билан боғлиқ рейтингнинг ўзига хос мезонлари бўйича қуйидаги позициялар аниқланди: Муносиб иш ўринлари ва иқтисодий ўсиш кўрсаткичи бўйича (8) ТАТУ 601-800 ўринларни эгаллади.

Бу сўнгги йилларда студентлар бандлигини таъминлаш борасида амалга оширилаётган ишлар самараси.