Ақтау денгиз савдо порти ЕХҲТнинг «Яшил порт» сертификатини олди

АQTAU. Кazinform – «Актау денгиз савдо порти» Европада хавфсизлик ва ҳамкорлик ташкилотининг (ЕХҲТ) «ЕcоPorts Pers» сертификатини олди, дея хабар беради Каzinform мухбири минтақавий коммуникациялар марказига таяниб.

«Портларнинг экологик экспертизаси тизими»даги яшил порт сертификати биз халқаро ва Европа даражасида ишлашимиз мумкинлигини кўрсатади. Ақтау савдо порти иш жараёнида атроф-муҳит ва хавфсизлик стандартларига тўлиқ жавоб беради. Бу, ўз навбатида, биз мижозларимизнинг барча талабларига жавоб берадиган ва сифатли хизмат кўрсатадиган порт эканлигимизни англатади», — деди «Ақтау» халқаро денгиз-савдо порти раиси Абай Туркпенбаев.

Халқаро сертификатни топшириш маросимида ЕХҲТнинг Европадан келган делегацияси ва ушбу ташкилотнинг энергия хавфсизлиги бўйича масъул ходими Дэниел Кросс, ЕХҲТ Котибияти, Манғистау вилояти ҳокимининг биринчи ўринбосари Бекбол Оринбасаров иштирок этди.

Иштирокчилар Ақтау порти келажакда Евроосиёнинг логистика ва савдо марказига айланиш имконияти мавжудлигини, йирик портлар билан ҳамкорлик қилиш мумкинлигини таъкидладилар.