Ақтўбенинг 2050 йилгача бўлган бош режаси тақдим этилди
Лойиҳалаштириш компанияси 2050 йилгача бўлган шаҳар режасини тақдим этди ва таклифларни кўриб чиқди. Стратегик ҳужжат шаҳарнинг демографик ҳолатига асосланади. Яъни, 25 йил ичида шаҳар аҳолиси 950 минг кишига етиши мумкин.
«Биз Ақтўбе шаҳрининг ҳудудий ривожланишини аниқлаш имконини берадиган барча соҳаларни қамраб олдик ва қилинадиган ишларга аниқлик киритдик. Жамоат хавфсизлигини таъминлаш, қулай муҳит яратиш каби барча муҳим масалалар қамраб олинди», — деди компания директори Любовь Нисанбаева.
Табиий ва техноген офатлар ҳам ҳисобга олинди. Хусусан, аҳоли турар жойларини сув тошқинидан ҳимоя қилиш концепцияси ишлаб чиқилди. Хусусан, лойиҳалаштирувчилар қор ва ёғингарчилик сувларини тўсиш учун Ақтўбе шаҳридаги асосий ҳалқа йўли бўйлаб 260 метрлик яшил камар қуришни таклиф қилмоқда.
Йиғилиш якунида вилоят ҳокими Ондасин Оразалин вилоят йўловчи транспорти ва автомобил йўллари, қурилиш, архитектура ва шаҳарсозлик бошқармаси раҳбарларига стратегик ҳужжатни атрофлича ўрганиб, қатор таклифлар киритиш бўйича топшириқлар берди.
Муаллиф: Алтинай Сағиндиқова