ASTANA. Kazinform - АҚШда торнадо оқибатида етти киши ҳалок бўлди. Шунингдек, 12 киши жароҳатланган. Бу ҳақда Associated Press хабар берди, дея хабар беради Kazinform.
Торнадолар Алабамада олти, Жоржияда яна бир кишининг ҳаётига зомин бўлди.
Агентлик Отога округи (Алабама) фавқулодда вазиятлар бошқармаси бошлиғига таяниб хабар қилганидек, расмийлар табиий ҳодисадан 40-50 та уй зарар кўрганини маълум қилди.
Рoweroutage.us портали маълумотларига кўра, Жоржия штатида 65,6 мингдан ортиқ, Алабама штатида эса 32,5 минг абонент электр таъминотисиз қолган.
Фото: AP Photo