АҚШда муз бўрони: қурбонлар, электр узилишлари, бекор қилинган парвозлар

DALLAS. Kazinform - Душанба куни бошланган кучли ва узоқ давом этган муз бўрони Техаснинг бир қисмини конькида учиш майдончасига айлантирди. Бир неча киши офат қурбонига айланган, электр таъминотида узилишлар кузатилган, минглаб рейслар бекор қилинган, деб хабар беради Кazinform Тhе Wаshington Post нашрига таяниб.

Чоршанба куни тушдан кейин Техасда 350 мингдан ортиқ одам электрсиз қолди. Қурбонлар сони ортиши кутилмоқда, чунки пайшанба куни эрталаб бўрон кучайиши кутилмоқда. Миллий об-ҳаво хизмати муз бўрони - музли ёмғир, қор ва совуқ ҳаво аралашмаси - штат бўйлаб ҳаракатланишни деярли имконсиз қилади, деб огоҳлантирмоқда.

Техас губернатори Грег Эбботт сешанба куни бўлиб ўтган матбуот анжуманида «Штатдаги электр таъминотидаги узилишларнинг кўпчилиги электр узатиш линияларининг муз билан қопланиши туфайли содир бўлган», деди ва тармоқнинг ўзи совуқ ҳароратда «самарали ишлашини» қўшимча қилди.

Тhе Wаshington Post хабарига кўра, Техасда 13 миллионга яқин киши муз бўронидан жабр кўрган, жумладан Даллас, Форт-Уорт, Абилин, Мидленд Одесса ва Сан-Анжело аҳолиси. Табиий офат Арканзасдаги Ҳот Спрингс, Пайн Блафф ва Литтл- Роcк шаҳарларига, шунингдек, Теннесси штатидаги Мемфис ва Жексонга ҳам таъсир кўрсатди.

Фото: Tony Gutierrez/AP