АҚШда қозоғистонлик боксчи қиз WBC чемпионлик камари учун жанг олдидан вазн ўлчашди

NUR-SULTAN. Kazinform - Қозоғистонлик боксчи, «Леди Спарта» номи билан машҳур Аида Сатибалдинова (6-2-1, 2 КО) америкалик Челси Андерсонга (5-0, 2 КО) қарши жанг олдидан тарозидан ўтди, деб хабар беради Kazinform Sports.kz порталига таяниб.

Рақиблар эртага эрталаб Монтебелло (Калифорния, АҚШ) шаҳридаги Hollywood Fight Nights мусобақасида енгил вазн тоифасида WBC International вакант чемпионлик камари учун жанг қилишади. Тадбир UFC Fight Pass сервисида трансляция қилинади.

Вазн ўлчаш натижаларига кўра, ҳар икки рақиб ҳам вазн тоифасидаги чегара - 61,23 кг/135 фунт талабини бажарган.

Аида учун бўлажак жанг бу йилги иккинчи жанг бўлади. 19 июн куни Коммерсда (Калифорния, АҚШ) Сатибалдинова уч йиллик танаффусдан сўнг гаитилик Жайка Павилусни (3-6-1, 1 КО) ҳакамларнинг якдил қарори билан мағлуб этди.

Фото: sports.kz