АҚШда даҳшатли довул: 2,7 миллиондан ортиқ одам электрсиз қолди
13:01, 05 Август 2020
NUR-SULTAN. Kazinform – «Исаиас» тропик довули АҚШнинг шарқий соҳилларида 2,7 миллиондан ортиқ одамни электрсиз қолдирди. Бу ҳақда Kazinform CNNга таяниб хабар беради.
Довул саккиз штатни қамраб олди. Энг кўп зарар кўрган Нью-Джерси штатида 1,3 миллиондан аҳоли электрсиз қолган. Шимолий Каролинада 303 мингдан ортиқ киши, Вирджиния штатида 347 мингдан ортиқ, Мэрилендда 43,8 мингдан ортиқ киши электрсиз қолган.
Бундан ташқари, 4 киши ҳалоқ бўлди.
«Исаиас» довули 3 июль куни кечқурун Шимолий Каролинанинг қирғоқларидан бошланди. Ҳозирги пайтда у анча заифлашган.