АҚШда COVID-19 юқтирганлар сони 10 миллиондан ошиб кетди

VASHINGTON. Kazinform – Америка Қўшма Штатлари пандемия бошланганидан бери коронавирус билан касалланган беморларнинг умумий сони 10 миллиондан ошган дунёдаги биринчи мамлакатга айланди. Бу ҳақда Kazinform Reuters агентлигига асосланиб хабар беради.

8 ноябрь ҳолатига кўра дунёда умумий ҳолатлар сони 50 миллиондан ошди.

Сўнгги 10 кун ичида Қўшма Штатларда миллионга яқин ҳолат қайд этилди, бу мамлакатдаги энг юқори кўрсатгич. Мамлакатда ўтган якшанба куни вируснинг 131 420 та янги касалланиш ҳолати қайд этилган.

Сўнгги ҳафтада кунлик ўсиш камида 29%ни ташкил этди, бу Осиё ва Европанинг энг кўп зарар кўрган икки мамлакати бўлган Ҳиндистон ва Франциядаги ўртача ўсиш кўрсаткичидан ҳам юқори.

Коронавирус инфекциясидан вафот этганларнинг умумий сони 237 минг кишини ташкил этди.

Reuters таҳлилига кўра, дунёда ҳар куни қайд этилаётган ҳар 11 та ўлимҳолатларининг биттаси АҚШга тегишли.

Соғлиқни сақлаш мутахассисларининг фикрига кўра, мамлакатда касалланганлар сонининг кескин кўпайиши сабабли ўлим кўрсаткичи ҳам яқин тўрт-олти ҳафта ичида кўпайиши кутилмоқда.