АҚШда биринчи марта маймун чечагидан ўлими қайд этилди

NEW YORK. TASS- Kazinform – Техасда шифокорлар маймун чечаги билан касалланган беморнинг вафот этгани ҳақида хабар беришди. Бу АҚШда ушбу касалликни юқтирганидан сўнг биринчи ўлим ҳолатидир, деб хабар беради Kazinform ТАСС агентлигига таяниб.

Марҳум Харрис округида яшовчи бўлиб, бирқатор касалликлардан азият чеккан. Маҳаллий соғлиқни сақлаш департаментининг пресс-релизига кўра, маймун чечаги беморнинг ўлимига асосий сабаб бўлганми ёки йўқми, аниқ эмас. Ўлимдан кейинги экспертиза натижалари кейинроқ эълон қилинади.

АҚШ Касалликларни назорат қилиш ва олдини олиш федерал марказларининг маълумотларига кўра, ҳозирда мамлакатда маймун чечаги инфекциясининг 18 мингдан ортиқ ҳолати қайд этилган. Касалланганлар сони бўйича етакчи Калифорния ва Нью-Йорк штатлари бўлиб, уларда мос равишда 3291 ва 3197 та ҳолат қайд этилган. Техас штатида сўнгги маълумотларга кўра, маймун чечаги билан касалланган 1604 та ҳолат аниқланган.

Аввалроқ дунёда маймун чечаги билан касалланганлар сони 20 фоизга камайгани ҳақида хабар берилган эди.

Фото: tass.ru