АҚШ ва Ҳиндистон савдо ҳамкорлигини кучайтирмоқда
АҚШ Савдо вакили Кэтрин Тай ва Ҳиндистон Савдо ва саноат вазири Пиюш Гоял 2022 йилдаги тараққиётни муҳокама қилди ва икки томонлама савдо алоқаларини мустаҳкамлаш бўйича фикр алмашди, дейилади АҚШ Савдо миссияси хабарида.
Вазирлар 2021 йилда қарийб 160 миллиард долларга етган товар айирбошлаш ҳажмининг ўсишини юқори баҳоладилар ҳамда ўзаро товар айирбошлаш ҳажмини ошириш ва диверсификация қилиш мақсадида ҳамкорликни янада фаоллаштириш истагини билдирдилар.
АҚШ ва Ҳиндистон тарифларни пасайтириш, савдо ва хизмат кўрсатишни осонлаштириш, рақамли савдони ривожлантириш, қишлоқ хўжалиги маҳсулотларидан фойдаланиш, мутахассислар, талабалар ва инвесторларнинг ҳаракатини осонлаштириш учун виза тартиб-қоидалари билан боғлиқ ҳал қилувчи савдо масалаларини ҳал қилишда ҳамкорликни давом эттириш ниятида эканлигини билдирди.
Шу муносабат билан Америка томони ўзаро манфаатли масалаларни икки томонлама муҳокама қилиш учун янги ТPF ишчи гуруҳини тузиш муҳимлигини таъкидлади.
Вазирлар ТPF ишчи гуруҳларига ҳар чоракда аниқ натижаларга эришиш ва савдо муносабатларидаги барча имкониятларни ишга солиш учун йиғилиш ўтказишни топширди.
Фото: istockphoto.com
Муаллиф: Рустем Қожибаев