АҚШ ва Европада фонд биржаси индекслари кескин тушиб кетди

NUR-SULTAN. Kazinform – Европа фонд бозорида нархлар тушди. Ғарбий Европадаги STOXX Europe 600 компаниялари индекси 4%дан кўпроққа, Германияда DAX - 2,8% га, Францияда CAC-40- 4,6% га ва Британияда FTSE биржаси индекси - 4% га пасайди, деб хабар беради Kazinform Euronews.comга таяниб.

Нью-Йорк фонд биржасидаги асосий индекслар бозор иштирокчиларининг коронавируснинг иккинчи тўлқини ҳақида хавотири туфайли кескин тушиб кетди. Dow Jones саноат индекси 7 фоиздан кўпроқни йўқотди, бу уч ой ичидаги энг ёмон кун. Таркибига энг йирик 500 та компания кирувчи S&P индекси 6 фоизга тушди. Nasdaq электрон тижорат индекси 2 фоизга тушди.

Авиакомпания, круиз операторлари ва туроператорлар, шунингдек, энергетика соҳасида энг кескин пасайиш кузатилди.

Бозор таҳлилчиларининг фикрига кўра, Флорида, Техас ва Калифорния штатида коронавирус инфекциясининг кўпайиши ҳақидаги хабарлар инвесторларнинг кайфиятига таъсир қилган.

Яқинда АҚШ Федерал Резерви иқтисодий тикланиш узоқ вақт талаб этилишини ва эпидемиянинг иккинчи тўлқини бошланган тақдирда карантин жорий этилмаслигини маълум қилди. Ўтган ҳафтада 1,5 миллион киши ишсизлик нафақасини олиш учун биржага мурожаат қилган.

Федерал жамғармага кўра, бу йил АҚШнинг ялпи ички маҳсулоти 6,5 фоизга пасаяди ва ишсизлик даражаси 9,3 фоизни ташкил этади. Айни пайтда бу кўрсаткич 13,3 фоизни ташкил этмоқда.