АҚШ президенти Жо Байден соғлом ва ўз вазифаларини тўлиқ бажаришга қодир

ASTANA. Kazinform – АҚШ президенти Жо Байденнинг саломатлиги яхши ва ўз вазифаларини мунтазам бажариш учун етарли кучга эга. Бу ҳақда Kazinform мухбири BBC Newsга таяниб хабар берди.

Пайшанба куни шифокорлар Вашингтондаги касалхонада АҚШнинг 80 ёшли раҳбарини тўлиқ тиббий кўрикдан ўтказишди. Бу Жо Байденнинг лавозимга келганидан кейин иккинчи тиббий кўриги.

Тиббий кўрик АҚШ президентининг ўтмишдаги касалликларини аниқлаш ва ҳозирги соғлиғини кузатиш мақсадида ўтказилди.

«Президентнинг саъй-ҳаракатлари ўз вазифаларини тўлиқ бажариш учун этарли», деб ёзади Оқ уй шифокори Кевин О'Коннор ўз эслатмасида.

Ҳужжатга кўра, Жо Байден ҳозирда юрак фаолиятининг тартибсиз уриши, юқори холестерин, эпизодик кислота рефлюкси, мавсумий аллергия, умуртқа поғонаси артрити ва оёқ буғинларидаги нервларнинг шикастланиши каби касалликлардан даволанмоқда. Бироқ унинг аҳволи барқарор.

Тиббий кўрик давомида Жо Байденнинг инсульт ёки Паркинсон каби неврологик касалликдан азият чекаётганини аниқлаш мақсадида комплекс тадқиқот ўтказилди. Натижада шифокорлар АҚШ президентининг бу касалликлардан азият чекмаслигини тасдиқлашди.

Охирги сайловларда Жо Байден ўзининг сиёсий рақибларининг ақлий заифликдан азият чекаётгани ҳақидаги даъволарини рад этди ва когнитив тестдан бош тортди.

Фото: GETTY IMAGES