АҚШ инфляцияси нархларнинг ошиши фонида барқарорлигича қолмоқда

WASHINGTON. Кazinform - Чоршанба куни эълон қилинган Меҳнат статистикаси бюросининг маълумотларига кўра, июл ойида АҚШда инфляция уй-жой ва озиқ-овқат нархларининг ўсишига қарамай барқарор сақланиб қолди, деб хабар беради Кazinform мухбири АBC Newsга таяниб.

Меҳнат статистикаси бюроси истеъмол нархлари индексини эълон қилди, бу инфляция ҳар ойда қандай ўзгаришини кўрсатади. Бензин нархининг 7,7% га пасайишига қарамасдан, бу дефляция озиқ-овқат ва уй-жой нархларидаги инфляция билан қопланди ва июл ойида умумий истеъмол нархлари индексини бир текисда қолдирди.

Июн ойига нисбатан уй-жой ижараси 0,7% га, озиқ-овқат 1% га ошди.

Озиқ-овқат маҳсулотлари ўтган йилнинг шу даврига нисбатан 10,9% га қимматлашди. Тухум нархи йилига энг кўп (38% га)ошди, ундан кейин маргарин, ун ва сариёғ нархлари ўсди.

Ноозиқ-овқат маҳсулотларининг нархи ҳам сезиларли даражада ошди. Масалан, маиший қўлқоплар 128% га қимматлашган.

Инфляциядан айниқса қаттиқ зарар кўрган корхоналар нархларни ошириш ёки ходимларни қисқартириш орқали ўз харажатларини камайтиришни танлашлари керак. Кўпгина технология компаниялари охирги вариантни танладилар - ишдан бўшатиш. Озиқ-овқат бизнеси харажатларнинг бир қисмини истеъмолчиларга ўтказиш орқали харажатларни камайтиради ва озиқ-овқат нархини оширади.

Фото: аbcnews.gо.cоm