Академик автономияга эга бўлган коллежларда ўқиш муддати 2 йил бўлади

ASTANА. Кazinform - Академик автономияга берилган коллежлар ўқиш муддатини қисқартириш имкониятига эга бўлади. Бу ҳақда Таълим-маориф вазирлигининг Техник ва касб-ҳунар таълими бошқармаси бошлиғи Алтай Раҳимберлин онлайн брифингда маълум қилди, дея хабар беради Kazinform мухбири.

Бунгача вазирлик коллежларда ўқиш муддатини қатъий тартибга солган эди. Энди академик эркинлик доирасида улар ўқиш муддатини қисқартириш имкониятига эга. Масалан, илгари ўқиш муддати 3 йил 10 ой бўлган бўлса, энди уни 2 йилга қисқартириш мумкин. Ана шу мустақиллик негизида коллежларимиз қисқа муддатда меҳнат бозорида сифатли мутахассислар тайёрламоқда. Бунгача вазирлик ҳақида ҳам танқидлар бўлган эди. Хусусан, кўпчилик «мутахассисларни узоқ вақт тайёрлайсиз» дейишди. Шунинг учун биз буни кўриб чиқдик, - деди Алтай Раҳимберлин.

Унга кўра, академик автономияга эга бўлган коллежлар маҳаллий корхоналар билан ҳамкорликда ишлайди. Шу боис иш билан таъминлаш ниятидаги корхоналар ўзларига керакли соҳа бўйича мутахассисларни тайёрлаш бўйича таклифлар юборади. Шу муносабат билан касб-ҳунар таълими муассасаларида талаб юқори бўлган касбларга устувор аҳамият берилади.

Муаллиф: Алихан Асқар