Ҳафта охирида Қозоғистон шимолида қор ёғади — синоптиклар

5 Октябрь, 19:15
Ҳафта охирида Қозоғистон шимолида қор ёғади — синоптиклар

ASTANA. Кazinform – Синоптиклар Қозоғистонда яқин уч кунлик об-ҳаво бўйича ўз прогнозларини эълон қилди, дея хабар беради Кazinform.

Ҳафтанинг иккинчи ярмида ҳам мамлакатнинг аксарият қисми кенг кўламли антициклон таъсирида қолади. Республиканинг шимолий ва марказий туманларида илиқ, ёмғирсиз ҳаво сақланиб қолади, мамлакат шарқида антициклоннинг силжиши муносабати билан ёғингарчилик тўхтайди.

Ўз навбатида, циклоннинг Скандинавия ярим оролига таъсир этувчи ғарбдан шарққа ўтиши муносабати билан ғарб, шимоли-ғарбда, ҳафта охирига келиб эса республиканинг шимолий ва марказий ҳудудларида момақалдироқ бўлади ва ёмғир ёғади.

Кечаси ёмғир шимолда қорга айланиши мумкин. Шунингдек, кундузи ғарбий ҳудудларда шамол кучайиши, дўл ёғиши эҳтимоли бор. Республика жанубида фронтал оқимнинг ўтиши билан момақалдироқ бўлиши мумкин, тоғли ҳудудларда ёмғир қорга айланади. Республиканинг барча ҳудудларида кечаси туман тушади.

Кундузи мамлакат ғарбида 15-23, марказда 15-25 даража иссиқ бўлади. Шимолий ярмида баъзи жойларда термометрлар 10-18 даража иссиқликни кўрсатади. Шарқда ҳаво ҳарорати 8-17 даража илиқдан 14-23 даражагача, жануби-шарқда 15-23 даражагача, тоғли ҳудудларда 8-13 даражадан 20-25 даражагача, республика жанубида 20-25 даражагача кўтарилади. Асосий ҳарорат фони 20-28 даражага кўтарилади. Тоғли ҳудудларда 10-15 даража илиқ бўлади.


Теги:
Ўхшаш янгиликлар

Янгиликлар