АЭС қуриладиган жойни танлашда ҳудудларнинг сейсмик ҳолати ҳисобга олинади

ASTANА. Кazinform – ҚР Энергетика вазири ўринбосари Асхат Хасенов атом электр станцияси учун жой танлашда сейсмик хавфсизликка алоҳида эътибор қаратишини маълум қилди, дея хабар беради Кazinform мухбири.

Бугун Марказий коммуникациялар хизмати матбуот анжуманида мамлакатда атом электр станциясини қуриш учун жой танлаш жараёнида сейсмик хавфли ҳудудларни ўрганишга оид савол берилди.

«Сейсмик хавфсизлик муаммосини ҳисобга олиш керак. Жамоатчилик муҳокамаси учун инобатга олинган ишлар аниқ жойни белгилашга қаратилган. Лойиҳа асосини тайёрлашда биз аниқ жойни аниқлаймиз. Қурилиш учун камида учта жой кўриб чиқилади. Бу тадбирларнинг ҳар бир босқичида сейсмик ҳолатга эътибор қаратилади», - дейди Асхат Хасенов.

Аввал хабар қилинганидек, жорий йилда атом электр станциясини қуриш технологияси бўйича якуний қарор қабул қилинади ва асосий лойиҳалаш ишлари бошланади.

ҚР Энергетика вазири Болат Ақшолақовнинг айтишича, АЭС қурилиши учун жой танлаш масаласи тез орада жамоатчилик муҳокамасига қўйилади.

«АЭСни жойлаштириш учун мақбул жой сифатида Алмати вилоятининг Жамбил тумани таклиф этилди. 2023 йилда АЭС қуриладиган жойни танлаш масаласи жамоатчилик муҳокамасига қўйилади», — деди вазир.

Фото: storage.googleapis.com

Муаллиф: Руслан Ғаббасов