Адлия вазирлигида Конституциянинг референдумдан кейин кучга кириш муддати маълум қилинди
3 Июнь 16:32

Адлия вазирлигида Конституциянинг референдумдан кейин кучга кириш муддати маълум қилинди

NUR-SULTAN. Кazinform - Қозоғистон Республикаси Адлия вазири ўринбосари Алма Муқанова республика референдуми натижаларига кўра Конституция нормаларининг кучга кириши муддатларини тушунтирди, дея хабар беради Кazinform мухбири.

Унинг таъкидлашича, референдум натижалари Марказий комиссия ва референдумнинг ҳудудий комиссиялари овозларни санаб чиқиш ишларини якунлаганидан сўнг эълон қилинади.

«Эълон қилингандан сўнг, агар аҳолининг кўпчилиги «ёқлаб» овоз берса, референдум бўлиб ўтган ҳисобланади. Агар аҳоли уни қўллаб-қувватласа, Конституцияга киритилган ўзгартиришлар республика референдумида қабул қилинган ҳисобланади. Бу ерда референдум комиссияси ҳисоб-китобларни 7 кунгача якунлаш ҳуқуқига эга, яъни бу ерда 2 ёки 3 кун бўлиши мумкин, чунки улар бошқаради. Тегишли натижалар эълон қилингандан сўнг кўпчилик « ёқлаб» овоз берган тақдирда нормалар қабул қилинган ҳисобланади. Конституция тўғридан-тўғри таъсир кўрсатадиган олий қонундир, мос равишда бу нормаларнинг барчаси эълон қилинган кундан бошлаб кучга киради. Агар шундай бўлмаса, биз аввалги Конституция бўйича, аввалги барча нормаларимиз билан яшаймиз», - дея тушунтирди вазир ўринбосари.

Алма Муқанованинг сўзларига кўра, агар ўзгартиришлар қабул қилинса, келгусида бир қатор қонун лойиҳалари ҳам якунланади. Бу ишларга ҳозирданоқ тайёргарлик бошланди, жумладан, Адлия вазирлиги томонидан ҳам.

«Биз аста-секин тайёрланаяпмиз, лекин биз ҳали бошламадик, чунки референдум натижаларини кутмоқдамиз», - деб қўшимча қилди у.

Республика референдуми 5 июн, якшанба куни бўлиб ўтади. Шу куни Қозоғистон Республикаси Конституциясига ўзгартиришлар киритиш тўғрисидаги қонун лойиҳаси тақдири ҳал бўлади.

Муаллиф: Анеля Қасимова

Янгиликлар

Архив