Аденауэр жамғармаси ваколатхонаси директори: ОАВнинг асосий вазифаси - битта фикр ҳукмронлигининг олдини олиш

NUR-SULTAN. Kazinform - «Оммавий ахборот воситаларининг асосий вазифаси – ягона фикр ҳукмронлигининг олдини олиш». Бу ҳақда Конрад Aденауэр жамғармасининг Қозоғистондаги ваколатхонаси директори Йоханес Рай Нур-Султанда бўлиб ўтаётган оммавий ахборот воситалари фаолиятини ҳуқуқий тартибга солишга бағишланган анжуманда маълум қилди, деб хабар беради Kazinform мухбири.

«Бир йилдан бери Қозоғистонда яшайман. Пандемия давом этаётганига қарамай, тадбиримиз офлайн режимда ўтказилиши муҳим. Онлайн тадбирларда юзма-юз суҳбатлашиш мумкин эмас. Шу боис, бугунги анжуман шахсий мулоқот ва келишувларга хизмат қилади, деб ўйлайман», — деди Халқаро жамғарма вакили.

Унинг сўзларига кўра, Конрад Aденауэр жамғармаси Нур-Султанда 2007 йилдан буён фаолият юритиб келади. Шунингдек, у жамғарма Қозоғистон Ҳукумати ташаббуси билан ташкил этилганини таъкидлади.

«Германияда оммавий ахборот воситалари норасмий бўлса-да, бу тўртинчи ҳокимият. Тўртинчи ҳокимиятнинг асосий вазифаси - бир фикрнинг ҳукмронлигининг олдини олиш. Шунинг учун ҳам сўз эркинлиги жуда муҳим масала. Шу нуқтаи назардан муҳокама қилинадиган масалалар Германиядаги вазиятдан фарқ қилиши мумкин. Пандемия сабабли мисрлик экспертлар конференцияда қатнаша олмади. Жамғарма номидан бундай муҳокама майдонини тақдим этиш имконияти учун сизга миннатдорчилик билдирамиз. Биз Aхборот ва жамиятни ривожлантириш вазирлиги билан яқиндан ҳамкорлик қиламиз. Бунинг учун вазирлик раҳбариятига миннатдорчилик билдираман», деди Йоханес Рай.

Муаллиф: Есимжан Нақтибай