19:40, 16 Август 2022 | GMT +6
6 ойда Қозоғистон аҳолиси 44,4 триллион тенгелик онлайн тўловларни амалга оширди
NUR-SULTAN. Kazinform - Жорий йилнинг 6 ойида аҳолининг нақд пулсиз операциялари 48 фоизга ошди ва 44,4 триллион тенгега етди, деб хабар бермоқда Kazinform.
Бу ҳақда ҚР Миллий банки раисининг ўринбосари Ақилжан Баймағамбетов маълум қилди.
«Жорий йилнинг 6 ойида аҳолининг нақд пулсиз операциялари 48 фоизга ошди ва 44,4 триллион тенгега етди. Онлайн тўловлар улуши 83 фоиздан ошди. Рақамли молиявий инфратузилмани яратиш ва рақамли молиявий хизматлар экотизимини янада ривожлантириш мақсадида жорий йилнинг июл ойида Open API ва Open Bankingни ривожлантириш бўйича ҳисобот эълон қилинган эди. Бундан ташқари, «Рақамли тенге» лойиҳаси доирасида чора-тадбирлар кўрилмоқда»
, — деди Ақилжан Баймағамбетов бугун Ҳукумат йиғилишида.
Шу билан бирга, июл ойи якунларига кўра, Ягона жамғариб бориладиган пенсия жамғармасининг пенсия активлари 13,7 триллион тенгени ташкил этди ва йил бошидан буён 609 миллиард тенгега ёки 4,7 фоизга ўсди.
«Йил бошидан буён инвестиция даромадлари ҳажми 519,5 млрд. Охирги 12 ойда пенсия активлари рентабеллиги 8,2 фоизни ташкил этди, пенсия активларининг тўпланган даромади эса 5 йил ичида тўпланган инфляциядан 7,3 фоиз пунктга ошди»
, — деди Ақилжан Баймағамбетов.